的起心肝煲靚湯~~
近排天氣轉涼，濕度偏低，以致皮膚較乾燥，係時候煲返D秋冬湯水補返下。繼日前煲過猴頭菇鯊魚骨湯後(係以前買咗未煲嘅湯包黎架...heheheeee)，昨晚就煲咗沙參玉竹鮑魚螺片湯，依款湯水完全係我個人創作，將家中餘下嘅煲湯村枓混合而成。其實我都唔知依d材料配搭啱唔啱架，不過煲咗2個半鐘後試味，原來個湯都好清、好鮮甜喎，大家不妨試試...^_^
材料：沙參 40g / 玉竹 40g / 碎鮑片 15g / 螺片 2塊(66g) / 圓肉 15g / 豬展 半斤 / 水 15杯
另外，由於昨晚只得自己一個"食自己"，所以除咗煲湯外，我就只係煮咗個即食麵填飽個肚就算。過往我只會食兩款即食麵:出前一丁及公仔麵，不過我昨晚就試咗新嘢，就係出前一丁中華生麵，依款麵強調"不經油炸"，故吸引我買來試吓。食落都幾好味喎，麵身幾爽，感覺幾健康。
(蛙蛙&八八，現誠意推介你哋試吓...^_^)
出前一丁中華生麵-蠔汁鮑魚味
5 Comments:
呢隻麵真係好似好健康咁喎, 有d似壽桃牌果隻, 要買嚟試吓至得啦!
係呀你都買黎試吓，食落有d似出面街賣嘅雲吞麵嗰d麵咁，幾爽口彈牙架...
我就想飲你既靚湯多d, 哈哈
見到都好想食呀.... ^_^ 壽桃牌好味還是這隻好味呢?
泡泡茶:其實我好少煲湯架(好彩...老公無詐型咋)，不過如果有機會煲畀你飲又點話呢...^_^
蛙蛙:我未食過壽桃牌呀，所以暫時答唔到你，遲d等我試埋再話你知，或者你試吓依款出前一丁中華生麵，再憑你蛙蛙多年食即食麵經驗，到時話我哋知邊隻好食d啦...^_^
Post a Comment
<< Home