2006年收爐作--"堅版"薑餅人曲奇
我嘅DIY整餅生涯由2006年3月左右開始，經過咗大半年嘅實習，雖然整包餅嘅技術仍屬幼稚園BB班階段，尚有很多很多改進空間，但從中我卻得到唔少滿足感，不單只可以為伴侶和家人親自製作包餅嘅關係，同時亦因為認識到你哋一班DIY友，令我響整包餅嘅路途上得到不少支持和鼓勵，亦因為認識咗你哋而令我獲益良多。在這我要同你哋講聲:多謝!
2006年我嘅最後製作係"堅版"薑餅人曲奇，今次係跟亞堅嘅食譜製作，製成品和較早前做的明顯不同，今次焗出來的曲奇較脆、較硬、顏色較啡黑、味道較香濃，同時亦因為得到亞堅的指點，所以用咗蛋白糖霜做裝飾，今次真係睇得又食得...^_^
6 Comments:
Happy New Year !!!
這個收爐作看來很不錯呢，好有氣氛呀!!
小堡主&大堡主，祝你哋新年快樂!
heheheeee...都係多得亞堅嘅食譜啫，仲有亞堅教用蛋白做糖霜裝飾，遲幾日我都會再整薑餅人，因為應承咗個朋友整畀佢食...^_^
做得好靚呀, 祝你新年快樂, 身體健康
多謝泡泡茶...^_^ 我都補祝你新年進步，事事如意，日日都開開心心!
d餅餅真的好可愛啊！
新一年，我祝你新年快樂！
心心公主
我都祝你新一年事事如意，日日都過得滿足和開心...^_^
Post a Comment
<< Home