裝身後的"靚版"薑餅人

前日整薑餅人時留咗2/3麵糰響雪櫃留番昨晚放工返屋企後再焗，汲取前日焗薑餅人嘅經驗，雖然昨晚和前日所造嘅薑餅人都係來自同一麵糰，但昨晚我特別有小心睇火，所以焗出來的薑餅人顏色金黃，恰到好處，見到d人仔顏色咁靚，自然我都有心情為佢哋扮靚靚。

你哋睇吓，經過用糖霜裝身後嘅薑餅人真係靚咗好多呀，靚到我都唔捨得食添...^_^


不過，唔知係咪我調較糖霜時嘅水份太少，所以糖霜加水後比較杰，我只可以好似整泥膠咁，用手將糖霜搓好後才放上薑餅人身上。我都唔知咁整啱唔啱架，我只知道最後可以成功為人仔扮靚靚，咁我就好開心啦...^_^