My Birthday Cake

哈哈...剛剛過咗我人生中第N個生日，原本打算自己整個生日蛋糕給自己，因為唔想破費買生日蛋糕。不過由於時間上配合唔到，所以最後都冇整到。雖然自己冇整到生日蛋糕，但原來我老公襯我唔知嘅時候，竟然走咗去買咗個鋼琴形狀嘅雪糕蛋糕給我慶祝生日，真係好開心呀，因為我冇諗過老公會送個生日蛋糕給我，而且佢係響我生日前一晚10點左右才拿回來，等到夜晚12點整，一踏入我嘅生日，佢就同我切蛋糕慶祝，今個星日真係過得開心...^_^

新鮮蛋撻出爐啦~~

前一晚才整完藍莓鬆餅，訓醒覺後又手痕痕想整第二樣嘢，於是響大埋食譜入面搵來搵去，最後決定試吓跟食譜整好多人都鍾意食嘅--蛋撻。其實之前都聽過朋友講蛋撻好容易整，今次試做，我發覺原來真係幾易整喎，當然容易整唔代表一定整得好食，因為我第一次嘅作品蛋漿部分較為硬咗少少，唔夠幼滑，可能因為個蛋漿較難焗熟，同埋我掌握唔到焗嘅時間，所以令到個蛋漿硬咗少少，不過我覺得第一次整都算過得好啦...^_^

又再"藍莓鬆餅"

雪櫃入面有一盒藍莓餡就快過期，所以拿拿淋用來整鬆餅，務求盡快消滅快過期嘅藍莓餡。